Skogen i Noreg dekkjer 37% av landarealet i dag. Vanskeleg terreng og store avstandar gjer det vanskeleg å hogge mykje av skogen. Det blir berre gjort hogst av om lag halvparten av skogarealet i Noreg i dag. Det norske tømmeret er veldig bra tømmer og har høg kvalitet på grunn av at den norske skogen veks så seint.
I diagrammet over ser du fordelinga av furu, gran og lauvtre i Noreg.
Eg skal no ta føre meg dei tre viktigaste tresortane som er utbreidd i Noreg og korleis vi utnyttar desse.
Aller først litt fakta om grana:
- På engelsk heiter gran "Norway spruce", fordi engelskmennene blei kjent med grana ved kjøp av trevirke frå Noreg.
- Gran veks ikkje naturleg på Vestlandet.
- Gran er tresorten som er mest utbreidd i Noreg.
- Gran høyrer til familiegruppa granslekta som igjen er ei gruppe bartre i furufamilien.
- Den eldste grana som er observert i Noreg, er 486 år gammal. Den er observert i Trillemarka i Buskerud.
- Verdas eldste levande tre er ei gran som er 9550 år gammal. Observert i Fulufjällets nasjonalpark i Dalarna i Sverige.
Grana er det viktigaste treslaget som opp gjennom mange mange år har medvirka til velstand. Det det nordiske folket for det meste har brukt grana til er båtbygging, husflid og framveksten av sagbruks- og trefordelingsindustrien i Norden. Grana er også det treet som dei fleste av oss i Noreg bruker som juletre. Noko av grana går til lokket på strykeinstrument som til dømes fele, men det aller meste av grantømmeret blir brukt til plankar og bord til husbygging og innredning og møblar. Tremassen og cellulosen blir brukt til papirproduksjon. Det dårlegaste tømmeret blir brukt til produksjon av spon- og fiberplater.
Grana veks faktisk ikkje naturleg på Vestlandet, men det er veldig mange som plantar grantre for å bruke dei i tømmerproduksjon og til juletre. Det som har gjort til at det er blitt ganske mykje granskog på Vestlandet, er at skogen som er planta spreier seg utover marka.
Lekse til meg sjølv til neste gong: Skrive dette innlegget meir utfyllande og skrive om furu og barskog i Noreg. Fekk desverre ikkje tid til å skrive så mykje om desse som du sikkert kan sjå. Men elles i timen har eg berre jobba med dette, og eg fann mange fine sider på nettet. Til dømes fann eg nokre veldig fine sider på wikipedia om grana, og skog.no er ei fin nettside. Vidare har eg tenkt meg innpå snl.no og sjå om eg finn noko der.
- Susanne
0 kommentarer:
Legg inn en kommentar